काठमाडौं (एजेन्सी) । मेक्सिको र अमेरिका सन् २०२२ मा अमेरिकामा हुने विश्वकप फुटबलका लागि छनोट भएका छन् । गएराति भएको खेलमा दुवै देशले स्थान सुरक्षित गरेका हुन् ।

मेक्सिको एलसाल्भाडोरलाई २–० ले हराउन सफल भएको छ । मेक्सिकोका लागि युरियल एंटुना र राउल जाइमेन्जले क्रमशः १७ र ४३ मिनेटमा १/१ गोलको योगदान गरे ।

अमेरिका भने कोस्टारिकासँग २–० ले पराजित भएको छ । तथापि, अमेरिका विश्वकपमा छनोट भएको छ ।

अमेरिकालाई हराएको कोस्टारिकाले भने अन्तर महादेशीय प्लेअफमा स्थान बनाएको छ । उसले अब ओसियाना क्षेत्रका देशसँग प्रतिस्पर्धा गर्नेछ । त्यहाँ मात्रै एक खेल जितेमा पनि ऊ विश्वकपमा छनोट हुनेछ ।

त्यसैगरी, पानामा सँग १–० ले हार्नुका बाबजुद क्यानडा अब उत्तरअमेरिका, मध्यअमेरिका तथा क्यारेबियन क्षेत्रको शीर्ष स्थानमा रहन सफल भएको छ ।