काठमाडौं । कीर्तिपुरकाे टियू मैदानमा भएको त्रिदेशीय सिरिजको फाइनल हेर्न सोमबार भारतबाट एक महिला सेलिब्रेटी आएकी सेफली बागा भारतीय टेलिभिजन पत्रकार एवं बिग बोस १३ की प्रतिस्पर्धी हुन् । उनले र्कितिपुर मैदानमा क्रिकेट हेर्न जम्मा भएको दर्शकको भीडलाई उनले भारतसँग तुलना गरेकी थिइन् ।

सेफलीले यहाँ पनि भारतमा जस्तै क्रिकेटलाई धेरै माया गर्ने गर्ने गरेको बताएकी थिइन् । उनी प्रसिद्ध भारतीय टेलिभिजन व्यक्तित्व हुन् । उनी आज तक र तेज नामक लोकप्रिय टेलिभिजन च्यानलहरुमा होस्टिङ र एङकरिङका लागि परिचित छिन् ।

नयाँ दिल्लीमा जन्मिएकी बागाले द टाइम्स अफ इन्डियाबाट आफ्नो पत्रकारिताको यात्रा सुरु गरेकी थिइन् । उनी बिग बोस सिजन १३ मा सबैभन्दा बढी विवादास्पद प्रतिस्पर्धीको रुपमा देखिएकी थिइन् । बिग बोस उनको पहिलो रियालिटी सो थियो ।

पत्रकारिता र उद्घोषणसँगै उनी इन्टरनेटमा सेलिब्रेटीको रुपमा चिनिन्छिन् । उनको फेसबुक र इन्स्टाग्राममा धेरै फलोअर्स छन् । शारीरिक व्यायाम र नृत्यसँगै उनी क्रिकेट हेर्न पनि मन पराउँछिन् । सेफलीले सन् २०१५ देखि टेलिभिजनमा काम गर्न सुरु गरेकी हुन् ।

खेलमा पपुवा न्युगिनीलाई हराउँदै नेपालले त्रिदेशीय टि–२० सिरिजको उपाधि जितेको छ ।