काठमाडौं । कंगोमा शान्ति स्थापनार्थ गएको नेपाली सेनामाथि विद्रोहीले आक्रमण गरेका छन् । आक्रमणमा एक नेपाली सेनाको मृत्यु भएको छ भने अर्का एक जना घाइते छन् ।

प्रमुख सेनानी निकिल कुँवरको कमाण्डमा खटिएको अपरेसन ‘बाली’ को टोलीमाथि मंगलबार आक्रमण भएको हो । आक्रमणमा एक जनाको मृत्यु भएको संयुक्त राष्ट्र संघले पुष्टि गरेको छ । ती सैनिकको नाम भने अहिलेसम्म सार्वजनिक गरिएको छैन ।

आक्रमणबाट घाइते सैनिकलाई उद्धार गरेर बुनियाँस्थित लेबल–२ अस्पताल लगिएकोमा त्यहाँ उनको अहिले उपचार भइरहेको छ । ती सैनिकको अवस्थाबारे केही खुलाइएको छैन

विद्रोहीको स्थान कब्जा गरिसकेको अवस्थामा अज्ञात स्थलबाट नेपाली सेनामाथि आक्रमण भएको बताइएको छ । ।

राष्ट्र संघले घटनाको निन्दा गर्दै मृतकप्रति श्रद्धाञ्जली र परिवारमा समवेदना प्रकट गरेको छ ।