काठमाडौं । युइएफए च्याम्पियन्स लिग फुटबल प्रतियोगिताअन्तर्गत क्वार्टरफाइनलको पहिलो लेगमा एट्लेटिको म्याड्रिडविरुद्ध म्यानचेस्टर सिटीले जित निकालेको छ ।

गएराति भएको घरेलु मैदानमा भएको खेलमा इंग्लिस क्लब सिटीले स्पेनिस क्लब एट्लेटिकोलाई १–० गोल अन्तरले हराएको हो ।
सिटीलाई जित दिलाउन केभिन डे ब्रुयनले ७० औँ मिनेटमा निर्णायक गोल गरेका थिए ।

यस जितसँगै सिटीले पहिलो लेगमा १–० को अग्रता बनाउँदै सेमिफाइनलमा सम्भावना केही बलियो बनाएको छ । एट्लेटिकोलाई भने दोस्रो लेगमा खेल उल्टाउनैपर्ने बाध्यता भएको छ ।

क्वार्टरफाइनलको दोस्रो लेग आगामी अप्रिल १३ मा एट्लेटिकोको मैदानमा हुनेछ ।