मुम्बई । अहिले रणवीर कपुर र आलिया भट्टको बिहेको चर्चा चलिरहेको छ । अब यो जोडीको विवाहको उत्सव अप्रिल १३ वा १४ बाट सुरु हुने खबर आएको छ । दुवै जना प्रि वेडिंङ उत्सव र विवाह चेम्बुरको आरके हाउसमा हुनेछ । ३-४ दिनको समारोहपछि १७ अप्रिलमा रणवीर-आलियाले पञ्जाबी रीतिअनुसार विवाह गर्ने बताइएको छ ।

इ टाइम्सको रिपोर्ट अनुसार दुवैको विवाहको तयारी वेडिङ वेन्यू आरके हाउसमा सुरु भएको छ । अप्रिल १३ मा यो जोडीको मेहन्दी सेरेमनी हुन लागेको बताइएको छ । त्यसपछि हल्दी, संगीतलगायत सबै समारोह हुनेछन् । त्यही हलमा रणवीरका बुबाआमा ऋषि कपुर र नितु कपुरको पनि विवाह भएको थियो ।

रिपोर्टका अनुसार बिहे अघि रणवीरले आफ्नो घरमा ब्याचलर पार्टी आयोजना गर्न लागेका छन् । यो पार्टीमा सहभागी हुनेहरुको नामावली पनि बाहिरिएको छ । पार्टीमा उनको धेरैनजिकका साथीहरू र बाल्यकालका साथी सहभागी हुनेछन् । यो लिस्टमा अर्जुन कपुर, आदित्य रोय कपुर र अयान मुखर्जीको नाम समावेश छ । यी तीनैजना रणवीरका निकै नजिकका साथी हुन् ।

रिपोर्टका अनुसार विवाहपछि आलिया र रणवीर हनिमुनका लागि स्विट्जरल्याण्ड जानेछन् ।