काठमाडौं । कैलालीमा दुई मोटरसाइकल आपसमा ठोक्किएर भएको दुर्घटनामा दुई जनाको मृत्यु भएको छ । अन्य दुई जना घाइते छन् ।

काठमाडौं । कैलालीको गोदावरी नगरपालिका–३ मा दुईवटा मोटरसाइकल आपसमा ठोक्किंदा २ जनाको मृत्यु भएको छ भने २ जना घाइते भएका छन् ।

से ४ प ४७३० नम्बरका मोटरसाइकल र सुदूरपश्चिम प्रदेश ०२–००४ प १११ नम्बरको मोटरसाइकल गएराति गोदावरी नगरपालिका–३ मा ठोक्किएर दुर्घटना भएको जिल्ला प्रहरी कार्यालय, कैलालीले जनाएको छ ।

घटनामा पुरनकुमार मडै र लोकेन्द्र पार्कीको मृत्यु भएको छ । उनीहरू दुवै जनालाई धनगढीस्थित सेती प्रादेशिक अस्पतालमा लगिएकोमा त्यही उपचारका क्रममा निधन भएको प्रहरीले जनाएको छ ।

दुवै मोटरसाइकलको पछाडि बसेका दुई जना घाइते छन् । उनीहरू भने खतरामुक्त रहेको अस्पतालले जनाएको छ ।