काठमाडौं । निर्वाचन आयोगले नेपाली कांग्रेसका नेता डा. शशांक कोइरालालाई स्पष्टीकरण सोधेको छ । निर्वाचन खर्च विवरणबारे जवाफ माग्ने उद्देश्यले आयोगले स्पष्टीकरण उनलाई स्पष्टीकरण सोधेको हो ।

कांग्रेसका पूर्वमहामन्त्रीसमेत रहेका कोइरालाले एउटा सार्वजनिक कार्यक्रममा चुनावमा ६ करोड खर्च गरेको अभिव्यक्ति दिएका थिए ।

तर, नवलपरासी १ बाट निर्वाचित प्रतिनिधिसभा सदस्य कोइरालाले आयोगमा २१ लाख ७५ हजार खर्च भएको विवरण बुझाएको पाइएको छ ।

आयोगले यसैलाई लिएर ७ दिनभित्र स्पष्टीकरण दिन निर्देशन दिएको हो ।