जर्मनीमा विदाका कारण विवादित बनेकी मन्त्रीले दिइन् राजीनामा

बर्लिन । गत वर्षको विनाशकारी बाढीपछि लामो बिदामा बसेको कुरा बाहिर आएपछि जर्मन क्याबिनेट मन्त्रीले राजीनामा दिएकी छन् ।
विवाद बढेपछि एनी स्पीगलले सोमबार पारिवारीक मामिला, ज्येष्ठ नागरिक, महिला तथा युवा मन्त्रीको पदबाट राजीनामा दिएकी छन् ।
छुट्टिका कारण राजनीतिक दबाबपछि मन्त्री पदबाट बाहिरिने उनी चान्सलर ओलाफ स्कोल्जको गठबन्धन सरकारको पहिलो सदस्य बनिन् । स्पीगेलले यसअघि जुलाईमा बाढीले सबैभन्दा बढी प्रभावित जर्मनी क्षेत्र राइनल्याण्ड-प्यालाटिनेटको वातावरण मन्त्री र डेपुटी गभर्नरको रूपमा काम गरेकी थिइन् ।
देशभरि बाढीमा १८० भन्दा बढीको मृत्यु भएको थियो । राइनल्यान्ड-प्यालाटिनेटको अहर उपत्यकामा मात्रै १३४ व्यक्तिहरूको मृत्यु भएको थियो । चान्सलर स्कोल्जले उनको निर्णयप्रति ‘ठूलो सम्मान’ भएको र स्पीगललाई भविष्यको लागि शुभकामना व्यक्त गरेका छन् ।
बाढी आएको १० दिनपछि स्पीगल फ्रान्समा चार हप्ताको पारिवारिक छुट्टीमा गएकी थिइन् । व्यापक आलोचना भएपछि उनले आइतबार साँझ माफी मागेकी थिइन् ।
ताजा अपडेट
-
गृह मन्त्रालयका सहसचिव भट्टराई नियन्त्रणमा
-
त्रिभुवन अन्तर्राष्ट्रिय विमानस्थल अध्यागमन कार्यालयमा अख्तियारको छापा
-
अभिनेत्री वर्षा राउत सीजी मोटर्सको ब्रान्ड एन्डोर्सरमा नियुक्त
-
गाउँपालिकाका प्रमुख प्रशासकीय अधिकृतसहित ४ जनामाथि अख्तियारले चलायाे भ्रष्टाचार मुद्दा
-
गोरखामा बसको ठक्करबाट चार वर्षीया बालिकाको मृत्यु
प्रतिक्रिया