काठमाडौं । प्रदेश लोक सेवा आयोगले १२ जना प्राविधिक सहायक पदको लागि विज्ञापन खुलाएको छ । आयोगले प्रदेश निजामती सेवाअन्तर्गत नेपाल शिक्षा सेवा, शिक्षा प्रशासन समूह, पाँचौ तहअन्तर्गत प्रविधिक सहायक पदको लागि खुला तथा समावेशी प्रतियोगितात्मक परीक्षाको विज्ञापन खुलाएको हो ।

आयोगले सामाजिक विकास मन्त्रालय सूदुरपश्चिम, धनगढी र कैलाली प्रदेशको पत्रबाट रिक्त माग भएअनुसार उक्त पदपूर्ति गर्नुपर्ने भएकाले योग्यता पुगेका उम्मेदवारलाई दरखास्तको लागि आह्वान गरेको छ ।

आयोगले निजामती सेवाअन्तर्गत शिक्षा सेवा, शिक्षा प्रशासन समूह, प्रविधिक सहायक पदमा खुलातर्फ सात जना, महिलातर्फ दुई जना तथा आदिवासी/जनजाति, मधेसी, दलिततर्फ एक/एक जना गरी १२ जना पदपूर्तिको लागि आवेदन आव्हान गरेको हो ।

आयोगका अनुसार उम्मेदवारले आयोगको वेवसाइटमार्फत आवेदन दिन सक्नेछन् ।