काठमाडौँ । नेपाल प्रहरीका महानिरीक्षक शैलेश थापा क्षेत्री र सशस्त्र प्रहरीका महानिरीक्षक पुष्पराम केसी आजदेखि अनिवार्य अवकाशमा जाँदैछन् ।

उनीहरुको अवकाशसँगै सरकारले दुवै प्रहरी संगठनमा नयाँ आइजीपी नियुक्ति गर्दैछ । आईजीपी नियुक्तिका लागि प्रधानमन्त्रीको निवास बालुवाटारमा मन्त्रिपरिषद्को बैठक बसिरहेको छ ।

प्रहरीको आईजीपी नियुक्तिका लागि प्रधानमन्त्री शेरबहादुर देउवाले गृहमन्त्री बालकृष्णसँग परामर्श गरेका छन् । यस्तै उनले गठबन्धन दलका नेताहरुको सहमतिका लागि बालुवाटारमा बोलाएर छलफल गरेका थिए ।

सत्ता गठबन्धनका नेताहरूसँगकाे छलफलपछि प्रधानमन्त्री देउवाले मन्त्रिपरिषद्काे बैठक बाेलाएका छन् । ११ बजेका लागि बाेलाएकाे मन्त्रिपरिषद्काे बैठक अझै सुरू भएकाे छैन ।

आईजीपी नियुक्तिमा सशस्त्र प्रहरीमा खासै समस्या छैन् । सशस्त्र प्रहरी बलमा आईजीपीका लागि राजु अर्याल एकल दाबेदार हुन् । उनलाई यसअघि बसेको मन्त्रिपरिषद बैठकले एआईजीमा बढुवा गरेको थियो । उनका प्रतिस्पर्धी डीआईजी नै छन् ।

नेपाल प्रहरीमा चाहिं विश्वराज पोखरेल, सहकुल बहादुर थापा, धिरज प्रताप सिंह र रविन्द्र बहादुर धानुक आईजीपीका दाबेदार हुन् ।