काठमाडौं । त्रिभुवन अन्तर्राष्ट्रिय विमानस्थलबाट एक युवक अवैध सुनसहित पक्राउ परेका छन् । प्रहरीले रूपन्देहीका २८ वर्षीय युवकलाई १०० ग्राम सुनसहित मंगलबार बिहान पक्राउ गरेको हो ।

पक्राउ परेका युवक मंगलबार बिहान जजिरा एअरमार्फत कुवेतबाट काठमाडौं ओर्लिएका थिए ।

त्रिभुवन अन्तर्राष्ट्रिय विमानस्थल भन्सार कार्यालयले मिक्सरको भित्री भागमा करिब १०० ग्रामको सुन लुकाइ छिपाइ ल्याएको अवस्थामा उनलाई नियन्त्रणमा लिएको जनाएको छ ।

नियमानुसार विदेशबाट आउने नेपालीले १०० ग्रामसम्म काँचो सुन ल्याउन पाउँछन् । तर यसरी ल्याउनुपूर्व भन्सार कार्यालयलाई जानकारी गराएर राजस्व दाखिला गर्नुपर्छ । तर ती युवकले राजस्व दाखिलाबेगर सुन लैजान खोजेको बताइएको छ ।