काठमाडौं । सरकारले १ जेठदेखि लागू हुनेगरी आइतबारसमेत बिदा दिने निर्णय गरेपछि यस वर्ष एक सय ३६ दिन सार्वजनिक बिदा परेको छ । तर आठ दिनको बिदा खप्टिएकाले राष्ट्रियस्तरको सार्वजनिक बिदा एक सय २८ दिन हुन्छ ।

‘यो वर्ष ५२ शनिबार परेका छन् । आइतबारसमेत बिदा दिने भएपछि अर्को ५२ दिन थपियो भने चाडपर्व, जयन्ती, दिवसलगायत गरी ३२ दिन बिदा परेको छ । यसरी राष्ट्रियस्तरका बिदा १३६ दिन पुगेको छ,’ गृह मन्त्रालयका आन्तरिक व्यवस्थापन महाशाखाका महासचिव शिवराम पोखरेलले भने,‘तर यसमा आठ दिन बिदा खप्टिएका छन् । खप्टिएका कटाउँदा एक सय २८ दिन बिदा हुन्छ ।’

संघ सरकारले निर्णय गरेर तोकेकाबाहेक क्षेत्रीय बिदासमेत जोड्दा यो संख्या झन् बढ्न । नयाँ पत्रिका दैनिकमा खबर छ ।

प्रदेश दृष्टिगत गरी वर्षमा अतिरिक्त ६ दिन बिदा दिनसक्ने व्यवस्था छ । प्रदेश सरकारले लागू गरेका यस्ता बिदा सांघीय कार्यालयमा समेत लागू हुन्छ । काठमाडौं जिल्लाका तीन जिल्लाका हकमा गृह मन्त्रालयले अतिरिक्त बिदा दिनसक्ने व्यवस्था गत २६ फागुनमा प्रकाशित राजपत्रमा छ । तर सातामा दुई दिन बिदाको निर्णय कहिलेसम्म लागू हुन्छ, यकिन छैन ।