सवारी दुर्घटनामा परी पूर्वमन्त्रीसहित १० जना घाइते

नागरिक लगानी कोष र नबिल बैंकबीच अवकाश कोष व्यवस्थापन सम्झौता

सवारी दुर्घटनामा परी पूर्वमन्त्रीसहित १० जना घाइते

नेपालवाच २०७९ वैशाख २९ गते १६:२३

काठमाडौं । पूर्वसामान्य प्रशासनमन्त्री एवं माओवादी केन्द्रका नेता टेकबहादुर बस्नेत सवार गाडी दुर्घटना हुँदा उनीसहित १० जना घाइते भएका छन् ।

बिहीबार सल्यानबाट दाङतर्फ आउँदै गरेको बस्नेत चढेको बा ८ च ६९२५ नम्बरको बोलेरो र दाङबाट सल्यानतर्फ जाँदै गरेको नाअप ९४१ नम्बरको एम्बुलेन्ससँग तुलसीपुर–३ स्थित राणा गाउँमा ठोक्किएको जिल्ला प्रशासन कार्यालय दाङले जनाएको छ ।

बस्नेतको अहिले प्रादेशिक अस्पतालमा उपचार भइरहेको र उनको स्वास्थ्य अवस्था सामान्य रहेको प्रशासन कार्यलयले जनाएको छ । अन्य घाइतेकाे नाम खुलेको छैन ।