भक्तपुर । भक्तपुर नगरपालिकाले विद्यालयहरुलाई दुई दिन बिदा नगर्न निर्देशन दिएको छ । सरकारी निर्णयको अवज्ञा गर्दै नगरपालिकाले सबै सामुदायिक र निजी विद्यालयलाई पत्र पठाएर दुई दिन बिदा नगर्न भनेको हो ।

शिक्षा मन्त्रालयले जेठदेखि सातामा दुई दिन सार्वजनिक बिदा दिने निर्णय गरेको छ । नगरपालिकाले मन्त्रालयको निर्णयविपरित विद्यालय खोल्न आग्रह गरेको हो । आइतबार एक सूचना जारी गर्दै नगरपालिकाले साबिकबमोजिम विद्यालय सञ्चालन गर्न भनेको छ ।