काठमाडौं । नेपालमा पछिल्लो २४ घण्टामा ९ जना कोरोनामुक्त भएसँगै हालसम्म कोरोनामुक्त हुनेकाे संख्या ९ लाख ६६ हजार ९३८ पुगेको छ । जुन कुल कोरोना संक्रमितको ९८.८ प्रतिशत हो ।

बिहीबार ३ हजार ६२७ जनामा कोरोना परीक्षण गर्दा पिसीआर विधिबाट १२ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । एन्टीजेन विधिमा भने एक जनामा पनि कोरोना देखिएको छैन् । यो सँगै नेपालमा हालसम्म कोरोना संक्रमितको कुल संख्या पिसीआर विधिबाट ९ लाख ७९ हजार ३८ र एन्टीजेन विधिबाट एक लाख ४० हजार २०९ पुगेको छ ।

मन्त्रालयका अनुसार बिहीबार १५० जना सक्रिय संक्रमित रहेका छन भने देशभर ३ जना क्वारेन्टाइनमा छन् । बिहीबार कसैले पनि कोरोनाविरुद्धको खोप लगाएका छैनन् ।