काठमाडाैं । सरकारले त्रिभुवन विमानस्थल दोस्रो टर्मिनल भवन निर्माण गर्न २ अर्ब २० करोड विनियोजन गरेको छ । आगामी आर्थिक वर्ष २०७९-८० को बजेट भाषण गर्दै अर्थमन्त्री जनार्दन शर्माले सो रकम विनियोजन गरेका हुन् ।

त्रिभुवन विमानस्थको चाप व्यवस्थित गर्न र दोस्रो टर्मिनल भवन बनाउन समेत बजेट विनियोजन भएको छ । गौतमबुद्ध र पोखरा विमानस्थललाई पूर्ण रुपमा सञ्चालनमा ल्याउने घोषणासमेत अर्थमन्त्रीले गरेका हुन् ।

सरकारले निजगढ विमानस्थललाई बजेटमा समेटेको छ । अर्थमन्त्री शर्माले निगजढ विमानस्थलको ढाँचा निर्माण गरी लगानी बोर्डबाट आयोजना विकास कार्य अगाडि बढाउने योजना बजेटमार्फत सार्वजनिक गरेका छन् ।

हवाई तथा यात्रु चापको विश्लेषणका आधारमा गौतमबुद्धमा समेत दोस्रो टर्मिनल बनाइने भएको छ ।