काठमाडौं । इण्डियन प्रिमियर लिग (आइपिएल) को यो सिजनको उपाधि गुजरात टाइटन्सले जितेको छ ।

आइतबार राति सम्पन्न खेलमा राजस्थान रोयल्सलाई ७ विकेटले हराउँदै गुजरातले आइपिएलको डेब्युमै उपाधि चुमेको हो ।

गुजरातले यही सिजनबाट आइपिएल खेल्न थालेको थियो ।

राजस्थानले १ सय ३१ रनको लक्ष्य दिएकोमा गुजरातले १८ ओभर १ बलमा ३ विकेट गुमाउँदै त्यसलाई पूरा गर्यो ।

गुजरातको यो जितमा सुबमन गिलले अविजित रहँदै सर्वाधिक ४५ रन जोडे भने कप्तान हार्दिक पाण्डेयले ३४ रन, डेभिड मिलरले ३२, म्याथ्यु वेडले ८ र रिद्धिमान शाहले ५ रनको योगदानद दिए ।

यो क्रममा राजस्थानका ट्रेन्ट बोल्ड, युजभेन्द्र चाहल र प्रसिद्ध कृष्णले १/१ विकेट लिएका थिए ।

पहिले ब्याटिङ सम्हालेको राजस्थानले २० ओभरमा ९ विकेट गुमाएर १ सय ३० रन जोडेको थियो । जसमा जोश बट्लरले सर्वाधिक ३९ रन, याशभी जैसवालले २२ रन, रियान परागले १५ र सन्जु सामसनले १४ रनको योगदान दिए ।

गुजरातका हार्दिक पान्डय र साई किशोरले क्रमशः ३ र २ विकेट लिए ।