फोहर व्यवस्थापन नभएसम्म बैठकको भत्ता लिन्नँ : वडाध्यक्ष डंगोल
काठमाडौं । काठमाडौं महानगरपालिकाका वडाध्यक्ष ईश्वरमान डंगोलले काठमाडौं महानगरपालिकाको फोहर व्यवस्थापन नभएसम्म बैठकको भत्ता नलिने बताएका छन् ।
‘फोहरको समस्या सामाधान नभएसम्म बैठकको भत्ता लिन्नँ,’ उनले भने, ‘बैंक खातामा पनि नपठाइदिनुहोला ’
डंगोलले फोहोर व्यवस्थापन सँगै सार्वजनिक शौचालय प्रयोग पनि नागरिकको अधिकार भएको र त्यसको पनि समयमै व्यवस्थापन हुनुपर्ने जोड दिएका छन् ।
त्यस्तै, उनले मेयर शाहले उठाएको कल सेन्टरलाई २४ घण्टा सञ्चालनमा ल्याउनका लागि टोली तयार पार्नसमेत माग गरेका छन् ।
डंगोल कामनपा १५ का वडाध्यक्ष हुन् । उनी एकीकृत समाजवादीबाट जित्ने एक्ला वडाध्यक्ष हुन् ।
प्रतिक्रिया