काठमाडौं । दक्षिण अमेरिकी फुटबल प्रतियोगिता कोपा अमेरिका फुटबल प्रतियोगिताको च्याम्पियन अर्जेन्टिनाले युरोपियन च्याम्पियन इटालीलाई ३–० गोल अन्तरले हराउँदै ‘ग्राण्ड फाइनल’को उपाधि जित्यो ।

सो खेल दौरान खिचिएको एउटा तस्बिरले अहिले सबै नेपालीको मत खिचेको छ । अर्जेन्टिना र इटालीबीचको खेल हेर्न बेलायतको लण्डनस्थित वेम्बली रंगशालामा पुगेका एक नेपाली युवाको तस्बिरले सबैको मन खिचेको हो ।

नेपालको राष्ट्रिय झण्डा बोकेका ती युवाले काठमाडौं महानगरपालिकाका मेयर बालेन शाह र धरान उपमहानगरपालिकाका मेयर हर्क साम्पाङअंकित तस्बिर प्रदर्शन गरेका छन् । त्यसमा उनले जय नेपाल पनि लेखेका छन् ।

ती युवा पूरा परिचय भने खुलेको छैन । उनी बेलायतमा अध्ययनरत नेपाली विद्यार्थी भएको अनुमान गरिएको छ ।

अर्जेन्टिना ३२ खेलसम्म अपराजित, कुन थियो पराजित भएको अन्तिम खेल ? – NepalWatch