काठमाडौं । तारा एयरको विमान दुर्घटनामा ज्यान गुमाएकाहरूको अन्त्येष्टि गरिएको छ ।

शव पोष्टमार्टमपछि आफन्तलाई जिम्मा बुझेसँगै शव बुझेसँगै आफ्नो रीतिरिवाजअनुसार आज अन्त्येष्टि गरिएको हो ।

गत आइतबार पोखराबाट जोमसोमका लागि उडेको विमान दुर्घटनामा परेको थियो । दुर्घटनामा तीन चालक दलका सदस्य र १९ यात्रुसहित २२ जनाको निधन भएको थियो ।

सोमबार र मंगलबार दुई दिन लगाएर काठमाडौं ल्याइएको शव पोष्टमार्टमपछि आज बिहान आफन्तलाई बुझाइएको थियो । शव बुझेसँगै आ–आफ्ना रीतिरिवाजअनुसार विभिन्न ठाउँमा अन्त्येष्टि गरिएको छ ।

सो दुर्घटनामा धनुषाको मिथिला नगरपालिका ११ का एकै परिवारका सात जनाको मृत्यु भएको थियो । राजनकुमार गोले, उनका बुबा इन्द्रबहादुर, आमा राममाया तामाङ, काका पुरुषोत्तम गोले, काकी तुलसादेवी तामाङ, मामा मकरबहादुर तामाङ र माइजु सुकुमाया तामाङको मृत्यु भएको हो ।

मृतकमध्ये चार भारतीयको पशुपति आर्यघाटमा अन्तिम दाहसंस्कार गरिएको छ भने दुई जर्मन नागरिकको शव त्यस देशतर्फ पठाइने जनाइएको छ ।

तारा एयरकाे विमान दुर्घटना : मृतकका शव परिवारलाई बुझाइयो – NepalWatch