काठमाडौं । पेट्रोलियम पदार्थको मूल्य पुनः वृद्धि गरिएको छ ।

नेपाल आयल निगम सञ्चालक समितिको बिहीबार बसेको बैठकले पेट्रोलको मूल्य प्रतिलिटर ८ रूपैयाँ र डिजेल तथा मट्टितेलको मूल्य १२/१२ रूपैयाँ वृद्धि गरेको हो । एलपी ग्यास र हवाई इन्धनको मूल्य भने यथावत् छ ।

योसँगै पेट्रोलको मूल्य प्रतिलिटर १७८ तथा डिजेल र मट्टितेलको मूल्य समान १६५ रूपैयाँ पुगेको छ ।

यसअघि सरकारले पूर्वाधार कर समायोजन गर्ने निर्णयपछि पेट्रोल, डिजेल र मट्टितेलको मूल्य प्रतिलिटर १० रूपैयाँ घटाएको थियो । तर फेरि अन्तर्राष्ट्रिय बजारको मूल्यलाई देखाएर वृद्धि गरिएको छ ।

नयाँ मूल्य आजै राति १२ बजेपछि लागू हुनेछ ।

मूल्य समायोजन गरे पनि पेट्रोलियम पदार्थमा अझै घाटा रहेको निगमले जनाएको छ । निगमका अनुसार इण्डियन आयल कर्पोरेसनलाई बुझाउनुपर्ने रकम २० अर्ब बाँकी छ ।