काठमाडौं । नुवाकोटको ककनीमा बिजुलीको प्रशारण लाइनमा चढेका व्यक्तिको सेनाले हेलिकप्टरबाट उद्धार गरेको छ । बिजुलीको पोलबाट तारमा चढेर ९ घण्टासम्म त्यही बसेका माइला विकको उद्धारपछि सेनाले प्रहरीको जिम्मा लगाएको छ ।

प्रहरीका अनुसार बेल्कोटगढी नगरपालिका १३ घलेगाउँका विक प्रशारण लाइनको खम्बाबाट तारसम्म पुगेर त्यहीँ बसेपछि बिहानदेखि विद्युत प्रवाह रोकिएको थियो ।

नेपाल विद्युत प्राधिकरणका अनुसार ती व्यक्ति बिहान १० बजेतिर बिजुलीको खम्बा हुँदै प्रशारण लाइनको तारमा चढेपछि करेन्ट लाग्ने सम्भावना भएका कारण विद्युत उत्पादन बन्द गर्नु परेको हो ।

प्रशारण लाइनमा चढेका विकको हेलिकप्टरबाट उद्धार गर्न आग्रह