काठमाडौं । अर्थमन्त्रीको राजीनामा माग्दै प्रमुख प्रतिपक्षी दल एमालेले सदन अवरोध गरेपछि संसद बैठक बुधबारसम्मका लागि स्थगित भएको छ ।

अर्थमन्त्री जनार्दन शर्माले बजेट निर्माणको क्रममा अनाधिकृत व्यक्तिलाई मन्त्रीकै कार्यकक्षमा बोलाइ राजश्व हेरफेर गरेको अरोप लगाउँदै मन्त्रीको राजीनामा मागेको हो ।

विपक्षी दलबाट संसद अवरोध गरेपछि सभामुख अग्निप्रसाद सापकोटाले संसद बैठक बुधबार बिहान ११ बजेसम्का लागि स्थगित गरेका हुन् ।

जेठ १४ गते राति चुकुल लगाएर पूर्वनासुले राजश्व हेरफेर गरेको समचार सञ्चारमाध्यमा प्रकाशित भएपछि एमालेले अर्थमन्त्रीबाट गम्भीर राष्ट्रघात भएको आरोप लगाउँदै आएको छ ।

बजेटमाथिको छलफलमा सांसदहरूले उठाएका प्रश्नको जवाफ दिएपछि बजेट पारित गर्ने कार्यतालिका थियो । तर एमालेको अवरोधपछि कार्यतालिका प्रभावित भएको छ ।