काठमाडौं । सूर्या लाइफ र ज्योति लाइफ इन्सुरेन्सको सेयर कारोबार रोक्का भएको छ । सूर्या लाइफ र ज्योति लाइफ इन्सुरेन्स एक आपसमा गाभिने भएपछि दुवैको आजदेखि सेयर कारोबार रोक्का गरिएको हो ।

यी दुई कम्पनीबीच आइतबार मर्जसम्बन्धी सहमतिपत्रमा हस्ताक्षर भएको थियो ।

सम्झौतामा सूर्या लाइफका अध्यक्ष केशव भट्टराई र ज्योति लाइफका अध्यक्ष नन्द किशोर शर्माले हस्ताक्षर गरेका छन् । दुई कम्पनीकोे सञ्चालक समितिको बैठकले मर्जर सम्झौतालाई अनुमोदन गरेसँगै औपचारिक मर्जर सम्बन्धी सम्झौतामा हस्ताक्षर गरेका हुन् ।

बिमा समितिको चैत १० गतेको निर्देशन अनुसार एक वर्षभित्रै निर्जीवन बिमा कम्पनीले २ अर्ब ५० करोड रुपैयाँ र जीवन बिमा कम्पनीहरुले ५ अर्ब रुपैयाँ चुक्ता पुँजी पुर्याउनेपर्ने हुन्छ ।

ताेकिएकाे समयमा चुक्तापुँजी पुर्याउन अहिले बीमा कम्पनीलाई  दवाव छ । हाल सूर्या लाइफको चुक्ता पुँजी २ अर्ब ४२ करोड र ज्योति लाइफको २ अर्ब २० करोड रुपैयाँ रहेको छ ।