नबिल एसइइलाई सामाजिक उद्यमशीलताको सक्षमकर्ता अवार्ड
काठमाडौं । नबिल बैंकले नबिल सामाजिक उद्यमशीलता कार्यक्रमअन्तर्गत ‘नबिल स्कुल’ वा ‘सामाजिक उद्यमशीलता नबिल एसईई’हरूलाई अवार्ड प्रदान गरिएको छ ।
कार्यक्रमको पहिलो ब्याचका २० फेलोहरूले सामाजिक उद्यमशीलताको सक्षमकर्ता अवार्ड प्राप्त गरेका छन् । नेपाल उद्योग परिसंघअन्तर्गतको ‘सीएनआईवाईईएफ नेपाल स्टार्टअप फेस्ट २०२२’ मा नबिल सामाजिक उद्यमशीलता कार्यक्रमअन्तर्गत पहिलो ब्याचका २० सहभागीलाई सामूहिक रूपमा अवार्ड प्रदान गरिएको हो ।
०७८ साल चैत ७ गतेदेखि सुरु गरिएको पहिलो ब्याचको फेलोसिप कार्यक्रमअन्तर्गत देशभरका ३५० आवेदकमध्येबाट उत्कृष्ट २० जनालाई सामाजिक उद्यमका लागि त्रिभुवन विश्वाविद्यालय आबद्ध व्यवस्थापन संकायसँग सहकार्य गर्दै निःशुल्क तालिम कक्षा सञ्चालन गरिएको छ ।
फेलोसिप कार्यक्रमका सहभागीले कृषि, सूचना प्रविधि, हस्तकला, खाद्यान्न, कपडा उत्पादन, कफीशप सञ्चालनलगायत क्षेत्रमा सामाजिक उद्यम अघि बढाएका छन् । उक्त कार्यक्रमअन्तर्गत सात नेपाली स्टार्टअपहरूले व्यवसाय विस्तारका लागि २४ करोड ५० लाख रुपैयाँ लगानी प्राप्त गरेका छन् ।
ताजा अपडेट
-
पार्टी फुटले सरकारलाई कुनै असर गर्दैन : उपप्रधानमन्त्री यादव
-
सुदूरपश्चिममा ठूला योजना बजेटको पर्खाइमा
-
जंगलभित्रको राजमार्गमा तीव्र गति र ओभरटेक निषेध
-
‘साना योजना सिधै प्रदेश र स्थानीय सरकारलाई हस्तान्तरण गर्ने निर्णय गरेका छौं’
-
महाकालीबाट दोधारा चाँदनीलाई पानी दिने विषय किन कार्यान्वयन भएन ?
प्रतिक्रिया