काठमाडौं । जिल्ला प्रशासन कार्यालय काठमाडौंमा दुईजना महिलालाई सहायक प्रमुख जिल्ला अधिकारी (प्रजिअ)को जिम्मेवारी दिइएको छ ।

काठमाडौं जिल्लाको प्रमुख प्रशासकीय अड्डाका रूपमा रहेको काठमाडौं जिल्ला प्रशासन कार्यालयको जिम्मेवारी पाउनेमा सहायक प्रजिअ सुप्रभा खनाल र देवी पाण्डे रहेका छन् ।

प्रशासन शाखाको प्रमुख समेत रहेकी खनाललाई सूचना अधिकारीको पनि जिम्मेवारी दिइएको छ । यस्तै पाण्डेलाई नागरिकता शाखा प्रमुख तोकिएको छ ।

खनाल मोरङको विराटनगर महानगरपालिका ५ स्थायी बासिन्दा हुन् ।

यस्तै पाण्डेको स्थायी घर गुल्मीको गुल्मीदरबार गाउँपालिका वडा नम्बर ६ हो ।