NepalWatch

News Portal For Eeverything In Nepal from Nepal

२०८० चैत १६ गते

बालुवाटारमा आगलागी, तीन घण्टामा पनि नियन्त्रणमा आउन सकेन

काठमाडौं । बालुवाटारमा आगलागी भएको छ । त्यहाँस्थित सुनौलो परिवार नेपालको भवनमा बुधबार बिहान ६ बजेदेखि आगो लागेको हो ।

दमकलको सहायतामा अग्नि नियन्त्रकले बुधबार बिहानैदेखि आगो निभाउने प्रयास गरिरहे पनि नियन्त्रणमा आउन सकेको छैन ।

काठमाडौं महानगरपालिकाको दमकलबाट आगो नियन्त्रण हुन नसकेपछि अहिले प्रहरीको दमकलले नियन्त्रण प्रयास गरिरहेको छ ।

आगलागीबाट ठूलो क्षति भएको अनुमान छ । तर यकिन विवरण आउन बाँकी छ ।

प्रहरीका अनुसार, आगलागीको कारण पनि खुलेको छैन ।