काठमाडाैं । नेपाली मुद्राको तुलनामा अमेरिकी डलरको भाउ हालसम्मकै उच्च विन्दुमा पुगेको छ । नेपाल राष्ट्र बैंकका अनुसार  बिहीबार अमेरिकी एक डलरको भाउ खरिददर १२६ रुपैयाँ ५ पैसा छ भने बिक्रीदर १२६ रुपैयाँ ६५ पैसा कायम भएको छ ।

बुधबार १ डलरको भाउ खरिददर १२५ रूपैयाँ ७४ पैसा थियो भने (बिक्रीदर) १२६ रुपैयाँ ३४ पैसा कायम भएको थियो ।

त्यस्तै अस्ट्रेलियन डलरको भाउ खरिदर ८६ रुपैयाँ ७१ पैसा कायम भएको छ । यसको बिक्रीदर ८७ रुपैयाँ १२ पैसा रहेको छ । क्यानेडियन डलर एकको खरिददर भने ९७ रुपैयाँ ९८ पैसा र बिक्रीदर ९८ रुपैयाँ ४४ पैसा पुगेको छ । युके पाउन्ड स्टलिङ एकको खरिददर १५३ रुपैयाँ ४६ पैसा र बिक्रीदर १५४ रुपैयाँ २० पैसा कायम छ । त्यस्तै हङकङ डलर एकको खरिददर १६ रुपैयाँ ६ पैसा पुगेको छ ।

यसको बिक्रीदर १६ रुपैयाँ १४ पैसा रहेको बैंकको तथ्यांकमा उल्लेख छ । सिंगापुर डलर एकको खरिददर ९० रुपैयाँ ७५ पैसामा कारोबार भइरहेको छ भने यसको बिक्रीदर ९१ रुपैयाँ १८ पैसा छ । त्यस्तै जापनिज यन १० को खरिदर ९ रुपैयाँ २४ पैसा कायम छ । यसको बिक्रीदर ९ रुपैयाँ २८ पैसा पुगेको छ ।