काठमाडौं । पछिल्लो राजनीतिक घटनाक्रम तथा पार्टीभित्र देखिएको समस्याबारे छलफल गर्न नेपाली कांग्रेसको पदाधिकारी बैठक बस्दै छ ।

मंगलबार दिउँसो १ बजे पार्टी केन्द्रीय कार्यालय सानेपामा बस्ने बैठकमा आगामी २७ गते बोलाइएको केन्द्रीय समिति बैठकका एजेण्डाका विषयमा छलफल हुने कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए ।

बैठकमा समसामयीक राजनीति, स्थानीय तह निर्वाचको समीक्षा र भ्रातृ तथा शुभेच्छुक संस्थाका विधान लगायतका विषयमा पनि छलफल हुने उनले जानकारी दिए ।

सभापति शेरबहादुर देउवाले पार्टीभित्र एकलौटी गरेको, सरकार सञ्चालनमा माओवादीको प्रभाव थेक्न नसकेकोलगायत आरोप लगाउँदै शेखर समूहले छुट्टै भेला आयोजना गरेपछि देउवामाथि दबाब बढेको छ ।

त्यस्तै महामन्त्री गगन थापाले अर्थमन्त्री जनार्दन शर्माको गतिविधि मुलुकमा गम्भीर आर्थिक संकट उत्पन्न हुने खालको रहेको भन्दै उनकाे राजीनामा मागेका छन् ।