काठमाडाैं । सामान्यतया तामाको भाँडामा पानी राख्नु राम्रो मानिन्छ । हामी सबैले सुनेका छौं तामाको भाडामा राखेको पानी खाँदा स्वास्थ्य राम्रो हुन्छ । तर यसको सही प्रयोग भने जरुरी हुन्छ ।

तामाको भाँडामा लामो समयसम्म पानी राख्न उचित हुँदैन । तामाको भाँडामा पानी १० देखि १२ घण्टाभन्दा बढी राख्नु हुँदैन । यसमा सावधानी अपनाउन जरुरी हुन्छ ।

तामाको भाँडा पानी पिउनु जति लाभदायिक हुन्छ त्यसको गलत प्रयोग पनि त्यति नै स्वास्थ्यमा हानी गर्छ । स्वास्थ्य विज्ञहरुका अनुसार कपर शरीरको लागि फाइदाजनक हुन्छ तर धेरै मात्रामा कपर लिनु हानिकारक पनि हुन्छ ।

विशेष गरी पाचन प्रक्रियामा कपर धेरै फाइदाजनक मानिन्छ । कलेजोसम्बन्धी समस्या भएका व्यक्तिले तामाको भाँडामा राखेको पानी खाएमा फाइदा पुग्छ ।

सामान्य मानिसलाई ०.९० मिलीग्राम कपर जरुरत पर्छ । यदि कसैले ३ ग्रामभन्दा बढी कपर लिनेलाई मुटुको समस्या देखिन्छ । योबाहेक कसैलाई आन्द्रामा अल्सरेटिभ कोलाइटिसको समस्या छ भने उनीहरुले पनि तामाको भाँडामा लामोसमयसम्म राखेको पानी खानु हुँदैन ।

कपरले शरीरमा पाचन प्रक्रिया सही तरिकाले गराउँछ । तर हाम्रो शरीरले आफैंले कपर बनाउन सक्दैन । यसकारण हामी च्याउ, काजु, तिल, बदाम, चिया सिड,एवोकाडो, किसमिस खानाले शरीरमा यसको अभाव पूरा हुन्छ ।

तामामा भएको एन्टी इन्फ्लेमेटरी गुणका कारण यसमा राखेको पानी पिउनाले शरीर सुन्निने, दुख्ने जस्ता समस्या हुँदैन । यसले पेटको समस्या पनि समाधान हुन्छ । ग्यास, कब्जियत, पेटको दुखाइ, आदि समस्या भएका मानिसलाई पनि यसले फाइदा गर्छ ।