काठमाडौं । नेपालमा ओमिक्रोनको नयाँ उपप्रजाति ‘बीए फाइभ’ देखिएको छ ।

स्वास्थ्य तथा जनसंख्या मन्त्रालयका अनुसार जनस्वास्थ्य प्रयोगशालाले गरेको जिन सिक्वेन्सिङमा दुई वटा नमुनामा ‘बीए फाइभ’ पुष्टि भएको हो ।

संक्रमितको नमुना केन्द्रिय डाइनोस्टिक प्रयोगशाला र बेलिहिया नाकाबाट प्राप्त भएको स्वास्थ्य तथा जनसंख्या मन्त्रालयले जनाएको छ ।

मंगलबार प्राप्त ३२ नमुनामध्ये २ वटामा ‘बीए फाइभ’ पुष्टि भएको हो । अन्य बाँकी २८ वटा नमुनामा बीए २ र दुई वटामा बीए १ पुष्टि भएको मन्त्रालयले जनाएको छ ।