काठमाडौं । नेपाली कांग्रेसको संस्थापन पक्षले अघि सारेको पार्टीको वरीयताप्रति प्रदेश सभापतिहरूले आपत्ति जनाएका छन् । आपत्ति जनाउनेमा सातै प्रदेशका सभापति छन् ।

प्रस्तावित मस्यौदामा प्रदेश सभापतिहरूको मर्यादाक्रम ११ नम्बरमा राखिएको छ । यो सबै केन्द्रीय सदस्यभन्दा पछि हो । केन्द्रीय सदस्यहरू नवौं वरीयतामा रहँदा प्रदेश सभापतिहरूलाई भने ११ औँमा मात्र राखिएको हाे । बीचमा राष्ट्रियसभामा दलका नेता छन् ।

यो वरीयताप्रति आपत्ति रहेकाले आफूहरू छुट्टै बसेर लिखित असन्तुष्टि तयार गरिरहेको एक प्रदेश सभापतिले बताए ।

केन्द्रीय सभापतिपछि आफूहरूको वरीयता रहनुपर्ने उनीहरूको माग रहेको छ ।

आजैमात्र कांग्रेसले विभिन्न तहमा रहेका नेताहरूको मर्यादाक्रमसम्बन्धी प्रस्ताव पेश गरेको छ ।

पार्टी कार्यालय सानेपामा जारी केन्द्रीय समिति बैठकमा नेताहरूको मर्यादाक्रम निर्धारणका लागि प्रस्ताव पेश भएको हो ।

वरीयताक्रमका चार नीतिगत आधार पेश गरिएको छ । एकदेखि १२१ सम्मको वरीयता छ । एकमा सभापति छन् भने १२१ मा पार्टीका साधारण सदस्य रहेका छन् ।

यस्तो छ वरीयता :

स्थानीय चुनावमा गरिएको गठबन्धनप्रति शेखरको आपत्ति (पूर्णपाठसहित)