काठमाडौ । प्रतिनिधिसभाको उपसभामुख पदको निर्वाचनका लागि पुष्पा भुषालले उम्मेदवारी दर्ता गराएकी छिन् । सत्ता गठबन्धनको तर्फबाट कांग्रेसकी उनले उम्मेदवारी दर्ता गराएकी हुन् । माओवादीका देव गुरुङ भुसालको उम्मेदवारीमा प्रस्तावक र नेकपा एसकी लक्ष्मीकुमारी चौधरी समर्थक बसेकी छिन् ।

यसअघि उपसभामुख डा. शिवमाया तुम्बाहाङ्फेले २०७६ मा ६ गते राजीनामा दिएपछि उपसभामुख पद २९ महिनादेखि रिक्त छ ।

तत्कालीन सत्तारूढ दल नेकपाले अग्निप्रसाद सापकोटालाई उम्मेदवार बनाउने निर्णय गरेसँगै उनले राजीनामा दिएकी थिइन् । संवैधानिक व्यवस्था अनुसार प्रतिनिधि सभाको सभामुख र उपसभामुख फरक दल र लिङ्गबाट हुनुपर्ने व्यवस्था छ ।

यस्तै प्रमुख प्रतिपक्ष दल एमालेले उपसभामुखमा लोकतान्त्रिक समाजवादी दललाई समर्थन गर्ने भएको छ । लोसपाबाट चन्दा चौधरीलाई उम्मेदवार बनाउने चर्चा चलेसँगै उनलाई समर्थन गर्ने एमालेले जनाएको छ ।