काठमाडौं । जुम्लाको घर भाँसिदा आमा र दुई छोराको मृत्यु भएको छ । हिमा गाउँपालिका–१, आचार्यलिहीमा भित्रीखोला जलविद्युत् आयोजनाको विद्युत् गृहको घर भासिँदा एकै घरका तीन जनाको मृत्यु भएको हो ।

गएराति करिब साढे २ बजे आयोजनाको विद्युत् गृहको घर भासिँदा उनीहरुको मृत्यु भएको जिल्ला प्रहरी कार्यालय, जुम्लाका सूचना अधिकारी भुवन भट्टले जानकारी दिए ।

मृत्यु हुनेमा ३० वर्षीय विमला रावत र उनका दुई छोरा नौ वर्षीय भरत र सात वर्षीय सूर्य छन् ।

विमला विद्युत् गृहका चौकीदार गोरेकबहादुरको श्रीमती हुन् । उनीहरू विद्युत् गृहभित्र सु्तिरहेका थिए ।

तीनै जनाको शव परीक्षणका लागि कर्णाली स्वास्थ्य विज्ञान प्रतिष्ठान लैजाने तयारी गरिएको प्रहरीले जनाएको छ ।