काठमाडौं । तत्कालीन अर्थमन्त्री जनार्दन शर्मा संग्लग्न सिसिटिभी प्रकरणमाथि छानबिनका लागि गठन भएको संसदीय विशेष समितिले थप ७ दिनको समय माग्ने निर्णय गरेको छ । तोकिएको समयमा काम नसक्ने निश्चित भएपछि थप समय मागिएको हो ।

समितिको आज बसेको बैठकले समय नपुगेको भन्दै ७ दिन म्याद थप गर्न सभामुख अग्निप्रसाद सापकोटालाई आग्रह गर्ने निर्णय गरेको बताइएको छ ।

यसअघि सभामुख सापकोटाले संसदीय समितिलाई छानबिनका लागि १० दिनको समय दिएकोमा आज आठौं दिन बितिसककेो छ ।

सिसिटिभीको हार्ड डिक्स परीक्षणका लागि फरेन्सिक ल्याबमा पठाइएको स्रोतले जनाएको छ ।

समितिले हालै सो प्रकरणको समाचार लेख्ने पत्रकारहरूको समेत बयान लिएको थियो । अझै थप व्यक्तिको बयान लिन बाँकी रहेकाले समय थपिएको बताइएको छ ।