भक्तपुरमा रुख ढलेर बस र स्कुटरलाई लाग्दा ३ को मृत्यु
काठमाडौं । भक्तपुरको सल्लाघारीमा रुख ढलेर बस र स्कुटरलाई लाग्दा ३ जनाको मृत्यु भएको छ । दिउँसो १२ बजेतिर ढलेको सल्लाकाे रुखले लाग्दा अन्य १२ जना घाइते भएका छन् ।
मृतकमध्ये एकजना नितेश खर्वुजाको मात्रै सनाखत भएको भक्तपुर प्रहरीले जनाएको छ । काठमाडौंबाट भक्तपुरतर्फ गइरहेको बा २ ख ३५८४ नम्बरको यात्रुवाहक बस र बा ६१ च नम्बरको स्कुटर रुख ढलेर च्यापिएका हुन् ।
घाइतेहरुको भक्तपुरका इवामुरा अस्पताल र भक्तपुर अन्तराष्ट्रिय अस्पताल उपचार भइरहेको छ ।
ढलेको रुख सडकबाट हटाउन नेपाली सेना खटिएको छ ।
प्रतिक्रिया