काठमाडौं । पछिल्लो २४ घण्टामा थप ३४७ जनामा कारोना भाइरस पुष्टि भएको छ । स्वास्थ्य तथा जनसंख्या मन्त्रालयका अनुसार गत २४ घण्टामा २ हजार ३६० पीसीआरमा र एक हजार ५२८ एन्टिजेन परीक्षण गर्दा ३४७ जनामा कारोना देखिएको हो ।

शनिबार ३३५ जनामा कोरोना देखिएको थियो । त्यस्तै आइतबार कोरोनाका कारण २ जनाको मृत्यु भएको छ भने २४ घण्टामा निको हुनेको संख्या ९५ रहेको छ । सोही अवधिमा ७८ हजार २२८ जनाले खोप लगाएको मन्त्रालयको तथ्यांकमा उल्लेख छ ।

पछिल्लो २४ घण्टामा देशभर ३ हजार १७७ जना सक्रिय संक्रमितको रहेका छन् । शनिबार सक्रिय संक्रमितको संख्या २ हजार ९७१ रहेको मन्त्रलयले जनाएको छ ।