काठमाडौं । बलिउड अभिनेता विक्की कौशलले आफू र आफ्नी श्रीमती एवं अभिनेत्री क्याट्रिना कैफलाई ज्यान मार्ने धम्की आएपछि मुम्बई प्रहरीमा उजुरी दिएका छन् ।

उनले श्रीमती क्याट्रिनालाई एक व्यक्तिले सामाजिक सञ्जालमा केही दिनदेखि लगातार पछ्याइरहेको र त्यही व्यक्तिले आफूलाई समेत धम्की दिएको भन्दै उनी प्रहरीकोमा पुगेका हुन् ।

प्रहरीले साइबर अपराधविरुद्ध सामाजिक सञ्जालको जाँच गरेर आरोप लागेका व्यक्तिसमक्ष पुग्ने जनाएको छ । अर्कोतर्फ, धेरै मिडियाहरुले धम्की दिने व्यक्तिको नाम आदित्य राजपूत रहेको जनाएका छन् । तर प्रहरीले अहिलेसम्म यसको पुष्टि गरेको छैन ।

केही दिनअघि अभिनेता सलमान खानलाई पनि ज्यान मार्ने धम्की पनि आएको थियो ।