पहिलो खेलमा सानदार जित निकालेको नेपाल आज दोस्रो खेल खेल्दै
काठमाडौं । साफ यु–२० च्याम्पियनसिप पुरुष फुटबल प्रतियोगिताको पहिलो खेलमा माल्दिभ्सविरुद्ध ४–० का सानदार जित निकालेको नेपालले आज दोस्रो खेल खेल्दैछ ।
नेपाल दोस्रो खेलमा आज श्रीलंकासँग भिड्नेछ । खेल भुवनेश्वरस्थित कालिंगा रंगशालामा साँझ ७:१५ बजे सुरु हुनेछ ।
नेपाल आज श्रीलंकालाई हराएर लगातार दोस्रो जित निकाल्न चाहन्छ ।
किनकि, नेपालले अझै भारत बंगलादेशजस्ता बलिया टोलीसँग खेल्नै बाँकी छ । समूह चरण पार गरेका दुई टोलीले उपाधि भिडन्त गर्नेछन् ।
आजको खेल जिते सम्भवतः नेपाल फाइनलमा पुग्नेछ ।
प्रतिक्रिया