काठमाडौं । ललितपुरको ग्वार्कोस्थित बिएन्डबी अस्पतालनजिकै ट्याक्सीमाथि बस पल्टिँदा ट्याक्सी चालक घाइते भएका छन् ।

बा ३ ख ४४४० नम्बरको बसले बा २ ज ६०१ नम्बरको ट्याक्सीलाई किच्दा ट्याक्सी चालक संजोग घिसिङ घाइते भएका हुन् ।

बसमा यात्रु थिएनन् । माछा बोकेको गाडीलाई ठक्कर दिएपछि पल्टेको बससँगै मोटरसाइकल पनि दुर्घटनामा परेको थियो । माेटरसाइकल चालक पनि घाइते भएका छन् । घाइतेहरूकाे बिएन्डबी अस्पतालमा उपचार भइरहेकाे छ ।

प्रहरीले बस चालक ५० वर्षीय नकलबहादुर महर्जनलाई नियन्त्रणमा लिएकाे छ । घटनाबारे उपत्यका ट्राफिक प्रहरी कार्यालय र प्रहरी वृत सातदोबाटोले अनुसन्धान गरिरहेको छ ।