काठमाडौं । काठमाडौँ उपत्यका ट्राफिक प्रहरी कार्यालयले मिति ९ गतेबाट सवारी साधनका चालकहरुले लागुऔषध सेवन गरी सवारी चलाए नचलाएको सम्बन्धमा प्राविधिक टोली सहित टिएचसि किटको प्रयोग गरी चेकजाँच अभियान सुरु गरेको छ ।

अभियानअन्तर्गत बुधबार राति उपत्यका ट्राफिक प्रहरी कार्यालय र जनस्वास्थ्य प्रयोगशाला, धुलिखेल ,बनेपाको संयुक्त टोलीले भक्तपुरको जगाते सडकमा ट्रिपर चालकलाई चेकजाँच गरेको थियो । उक्त जाँचका लागी आवश्यक प्रविधिक टोली र टिएचसि किट जनस्वास्थ्य प्रयोगशाला, धुलिखेल, बनेपाले उपलब्ध गराएको प्रहरीले जनाएको छ ।

प्रवक्ता प्रहरी वरिष्ठ उपरीक्षक राजेन्द्र प्रसाद भट्टले अझै उक्त चेकजाँच कार्यलाई उपत्यका भर वृहतरुपमा संञ्चालन गरिने जानकारी दिएका छन् ।