कोरोनाका बिरामी बढ्दै, एकैदिन १०९० जना संक्रमित हुँदा २ जनाको मृत्यु
काठमाडौं । नेपालमा पछिल्लो समय कोरोनाका विरामी बढ्न थालेका छन् । स्वास्थ्य तथा जनसंख्या मन्त्रालयमा अनुसार गत २४ घण्टामा १ हजार ९० जनामा कोरोना संक्रमण पुष्टि भएको छ ।
मन्त्रालयका अनुसार ६ हजार ३०० जनामा कोरोना परीक्षण गर्दा सो संख्यामा संक्रमण पुष्टि भएको हो । सोमबार ९३४ जना संक्रमित थपिएका थिए ।
त्यस्तै, पछिल्लो २४ घण्टामा २ जनाको मृत्यु भएको छ भने ४३८ जना संक्रमणमुक्त भएका छन् । मंगलबार सक्रिय संक्रमितको संख्या ५ हजार ८०६ पुगेको मन्त्रालयले जनाएको छ ।
प्रतिक्रिया