काठमाडौं । सरकारले वैदेशिक रोजगार विभागको जिम्मेवारी सहसचिव उमाकान्त आचार्यलाई दिएको छ ।

आचार्यलाई मन्त्रिस्तरीय निर्णयबाट श्रम, रोजगार तथा सामाजिक सुरक्षामन्त्री शेरबहादुर कुँवरले महानिर्देशकको जिम्मा दिलाएका हुन् ।

यसअघि विभागको नेतृत्व सहसचिव शेषनारायण पौडेलले सम्हालिरहेका थिए । पौडेल अध्ययन विदामा बसेसँगै रिक्त भएको उक्त पदमा आचार्य नियुक्त भएका हुन् ।

सहसचिव आचार्य यसअघि श्रम तथा व्यवसायजन्य सुरक्षा विभागको महानिर्देशक थिए ।