विश्वकपको दाबेदार मानिएको इंग्ल्याण्ड नेसन्स लिगको रेलिगेसनमा
काठमाडौं । इंग्ल्याण्ड युइएफए नेसन्स लिग फुटबलको रेलिगेसनमा परेको छ ।
गएराति भएको खेलमा इटालीसँग १-० ले पराजित हुँदै इंग्ल्याण्ड रेलिगेसनमा परेको हो । इंग्ल्याण्ड लिग एबाट बीमा झरेको छ ।
घरेलु टोलीको जितमा जियाकोमा रास्पाडोरी नायक बने । उनले ६८ औँ मिनेटमा गोल नै निर्णायक बनेको हो ।
यस जितसँगै लिग एको समूह ३ मा रहेको इटाली पाँच खेलमा आठ अंकका साथ लिगको दोस्रो स्थानमा उक्लिएको छ ।
यस्तै, जर्मनीलाई घरमै स्तब्ध बनाएको हंगेरीले पाँच खेलबाट १० अंक जोडेको छ । हंगेरी लिगको शीर्ष स्थानमा छ ।
जर्मनी मात्र ६ अंक जोडेर तेस्रो स्थानमा झरेको छ ।
रेलिगेसनमा परेको इंग्ल्याण्डले पाँच खेलबाट दुई अंकमात्र जोडेको छ । इंग्ल्याड जितविहीन छ ।
विश्वकप आउन दुई महिनाभन्दा कम समय बाँकी रहँदा दाबेदारमध्येको एक इंग्ल्याण्डको रेलिगेसनलाई अर्थपूर्ण रुपमा हेरिएको छ ।
नेसन्स लिग छुट्टै प्रतियोगिता हो । यद्यपि, अहिलेको नेसन्स लिगका खेल विश्वकपको तयारीस्वरुप खेलिएका हुन् ।
खराब बन्दै जर्मनीको विश्वकप तयारी, तुलनात्मक कमजोर टोलीसँग घरमै स्तब्ध
प्रतिक्रिया