काठमाडाैं । निरन्तर उच्च मूल्य कायम भइरहेको डलरको भाउ बुधबार सामान्य घटेको छ । नेपाल राष्ट्र बैंकका अनुसार बुधबार अमेरिकी एक डलरको भाउ खरिददर १३० रूपैयाँ २४ पैसा र बिक्रीदर १३० रूपैयाँ ८४ पैसा कायम भएको छ ।

मंगलबार अमेरिकी डलरको भाउ खरिददर एक सय ३० रुपैयाँ ३० पैसा यस्तै बिक्री दर एक सय ३० रुपैयाँ ९० पैसा तोकिएको थियो । जुन हालसम्मकै उच्च थियो ।

त्यस्तै आज अस्ट्रेलियन डलरको भाउ खरिदर ८४ रूपैयाँ ५६ पैसा कायम भएको छ । यसको बिक्रीदर ८४ रुपैयाँ ९५ पैसा रहेको छ । क्यानेडियन डलर एकको खरिददर भने ९५ रुपैयाँ २३ पैसा र बिक्रीदर ९५ रुपैयाँ ६६ पैसा पुगेको छ । युके पाउन्ड स्टलिङ एकको खरिददर १४० रुपैयाँ ६९ पैसा र बिक्रीदर १४१ रुपैयाँ ३३ पैसा कायम छ ।

सिंगापुर डलर एकको खरिददर ९० रुपैयाँ ७४ पैसामा कारोबार भइरहेको छ भने यसको बिक्रीदर ९१ रुपैयाँ १६ पैसा छ । त्यस्तै जापनिज यन १० को खरिदर ९ रुपैयाँ ०२ पैसा कायम छ । यसको बिक्रीदर ९ रुपैयाँ ०६ पैसा कायम भएको छ ।