काठमाडौं । राष्ट्रिय योजना आयोगका पूर्व उपाध्यक्ष तथा अर्थविद् स्वर्णिम वाग्लेले प्रतिनिधिसभा निर्वाचनका लागि टिकट नपाउने भएका छन् ।

उनी नेपाली कांग्रेसकाे तर्फबाट चितवन क्षेत्र नंबर १ बाट चुनाव लड्ने चर्चा थियो । त्यहाँ कांग्रेसले विश्व पौडेललाई टिकट दिइसकेको छ । त्यस्तै, गोरखा १ र काठमाडौं ५ बाट पनि उनले उम्मेदवारी दिन सक्ने चर्चा नचलेको होइन ।

काठमाडौं ५ बाट प्रदीप पौडेलले टिकट पाइसकेका छन् भने गोरखा १ बाट टिकट पाउने सम्भावना पनि शून्यप्रायः छ । त्यहाँ कांग्रेसकै राजेन्द्र बजगाईं र चिनकाजी श्रेष्ठबीच टिकट पाउने विषयमा भिडन्त भइरहेको छ ।

त्यसो त वाग्लेलाई गगन थापाले आफ्नो चुनावी क्षेत्र काठमाडौं ४ छोड्ने चर्चा पनि चलेको थियो । तर, थापाले ४ नंबरबाटै उम्मेदवारी दिने भएका छन् ।