काठमाडौं । शैक्षिक सत्र ०७९/८० को कक्षा ११ र १२ को परीक्षासम्बन्धी वार्षिक कार्यतालिका सार्वजनिक भएको छ । राष्ट्रिय परीक्षा बोर्डले चालु शैक्षिक सत्रको वार्षिक कार्यतालिका सार्वजनिक गरेको हो ।

कार्यतालिकाअनुसार कक्षा ११ मा भर्ना भएका विद्यार्थीलाई ०७९ कात्तिक मसान्तसम्म रजिस्ट्रेसन आवेदन फाराम वितरण गरिसक्नुपर्नेछ । आवेदन फाराम भर्ने समय भने ०७९ पुस १५ गतेसम्म दिइएको छ ।

वार्षिक तालिकाअनुसार कक्षा ११ र १२ दुवैको परीक्षा वैशाखमा सञ्चालन हुनेछ । परीक्षा तालिका भने ०७९ माघ मसान्तभित्र सार्वजनिक गरिने बोर्डले जनाएको छ ।