NepalWatch

News Portal For Eeverything In Nepal from Nepal

२०८१ जेठ ७ गते

ट्रायल सेन्टरमा अख्तियारको निगरानी

काठमाडौं । कमिशनको अखडा बन्दै गएको सवारी चालक अनुमतिपत्रका लागि ट्रायल सेन्टरमा अख्तियारले निगरानी बढाएको छ ।

ट्रायल सेन्टरमा प्रवेश गर्नुअघि कमिशन सुनिश्चित नभए अनावश्यक कारण देखाएर ट्रायल फेल गराउने र कमिशनका लागि बाध्य पार्ने गरेको गुनासो परेको थियो ।

यातायात कार्यालयमा हुने भ्रष्टाचार न्यूनिकरणका लागि आयोगले ट्रायल सेन्टर र केही यातायात कार्यालयमा विशेष टोली परिचालन गरेको हो ।

२०७९ साउन २४, २५ र २९ गते अख्तियारले नेपाल सरकारका सचिव र विभागिय प्रमुखहरुसँग छलफल गरेको थियो । उक्त छलफलमा समेत अख्तियारले यी क्षेत्रमा हुने भ्रष्टाचारजन्य गतिविधिबारे सचेत गराएको थियो ।

ती कार्यालयहरुमा सुशासन कायम राख्न कार्यालय प्रमुखले ध्यान दिनुपर्ने भन्दै सचेत गराएको थियो । राष्ट्रिय अनुसन्धान विभागको समेत सहयोगमा अख्तियारले यातायात कार्यालय र ट्रायल सेन्टरमाथिको निगरानी बढाएको अख्तियार स्रोतले जनाएको छ ।

यस्तै अख्तियारले भौतिक पूर्वाधार मन्त्रालयलाई परिपत्र गर्दै ट्रायल सेन्टरको मापदण्ड विभिन्न प्रदेशमा फरकफरक रहेकाले एकरुपता कायम गर्न समेत भनेको छ ।

ताजा अपडेट

नेपालवाच विशेष