चार हजार रूपैयाँ घुस नपाए पसल सञ्चालन गर्न नदिने प्रहरी अख्तियारको फन्दामा

प्रतिनिधिसभाको शिक्षा समितिद्वारा पाँच विषयगत उपसमिति गठन

चार हजार रूपैयाँ घुस नपाए पसल सञ्चालन गर्न नदिने प्रहरी अख्तियारको फन्दामा

नेपालवाच २०७९ कार्तिक १८ गते १५:१०

काठमाडौं । पसल सञ्चालकसँग चार हजार रूपैयाँ घुस मागेर दुःख दिने प्रहरी अख्तियार दुरूपयोग अनुसन्धान आयोगको फन्दामा परेका छन् ।

धनुषास्थित नगराइन नगरपालिका २ जटहीस्थित पसलका सञ्चालकसँग घुस माग्ने प्रहरी नायव निरीक्षक देवकी लाल चौधरी रंगेहात पक्राउ परेका हुन् ।

उनले उक्त पसल सञ्चालनका लागि मासिक रूपमा ती सञ्चालकसँग रकम माग गर्दै आएका थिए ।

पसल सञ्चालकलाई चार हजार रूपैयाँ नदिए पसल सञ्चालन गर्न नदिने धम्की दिएका चौधरीलाई रकम लिइसकेको अवस्थामा आयोगले पक्राउ गरेको हो ।

हाल उनीमाथि थप अनुसन्धान भइरहेको आयोगले जनाएको छ ।