काठमाडौं (एजेन्सी) । ट्विटरले आफ्ना सबै कार्यालय बन्द गरेको छ । एलन मस्कले ट्विटरको स्वामित्व लिएसँगै ठूलो मात्रामा कर्मचारी कटौती भइरहेका बेला यसका सबै कार्यालय बन्द गरिएको हो ।

अन्तर्राष्ट्रिय सञ्चारमाध्यममा जनाइएअनुसार, ट्विटरका कार्यालय आगामी २१ तारिखसम्म बन्द रहनेछन् ।

कार्यालय बन्द गर्नुको कारणबारे ट्विटरले केही खुलाएको छैन ।

मस्कले ट्विटरको स्वामित्व लिएपछि नयाँ निर्णय लिँदै आइरहेका छन् । यही सिलसिलामा उनले कर्मचारी कटौतीतर्फ पनि नजर लगाएका छन् ।